Prezıdent Qorǵanys mınıstrliginiń úsh laýazym ıesin qyzmetinen bosatty
ASTANA. KAZINFORM – Memleket basshysy Qasym-Jomart Toqaev elimizdiń Qorǵanys mınıstrliginiń birqatar laýazym ıelerin qyzmetinen bosatty, dep habarlaıdy Aqordanyń baspasóz qyzmeti.
Memleket basshysynyń ókimderimen:
Qanysh Asanhanuly Ábýbákirov Qazaqstan Respýblıkasy Qorǵanys mınıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵy laýazymynan bosatyldy;
Almaz Djenıshevıch Djýmakeev Qazaqstan Respýblıkasy Qorǵanys mınıstriniń orynbasary laýazymynan bosatyldy;
Qanat Serikqalıuly Nııazbekov Qazaqstan Respýblıkasy Qarýly Kúshteri Áskerı-teńiz kúshteriniń bas qolbasshysy laýazymynan bosatyldy.
Eske salaıyq, 2026 jylǵy 24 qyrkúıekte Kaspııdegi áskerı oqý-jattyǵý kezinde 9 áskerı qyzmetshi qaza tapqanyn habarlaǵanbyz. 25 qyrkúıekte taǵy eki sarbazdyń denesi sýdan shyǵaryldy.
Prezıdent Mańǵystaý oblysynda áskerı qyzmetshilerdiń qaza tabýyna baılanysty kóńil aıtty.
