Áskerı qyzmetshiler Soltústik Amerıkanyń eń bıik shyńyna Qazaqstan týyn tikti
ASTANA. KAZINFORM — Qazaqstan Qarýly kúshteri Arnaıy operatsııalar kúshteriniń Taý daıyndyǵy ortalyǵynyń alpınıster toby Soltústik Amerıkanyń eń bıik shyńy — Denalıdi baǵyndyrdy.
6190 metr bıiktikte áskerı qyzmetshiler saltanatty túrde Qazaqstan Respýblıkasynyń Memlekettik Týyn jáne Arnaıy operatsııalar kúshteriniń týyn kóterdi.
Sátti aıaqtalǵan ekspedıtsııa qazaqstandyq áskerı qyzmetshilerdiń joǵary kásibı daıarlyǵyn, tózimdiligi men rýh kúshin aıqyn kórsetti. Soltústik Amerıkanyń eń bıik shyńyn baǵyndyrý olardyń tamasha dene jáne psıhologııalyq daıyndyǵymen qatar, olardyń otansúıgishtik, erlik, tabandylyq qasıetterin taǵy bir pash etti.
Eske sala keteıik, ańyzǵa aınalǵan Denalı shyńy Alıaskanyń ortalyq bóliginiń ońtústiginde ornalasqan jáne jergilikti ulttyq park pen qoryqtyń quramyna kiredi. Denalı sózi úndisterdiń atabaska tilinen aýdarǵanda «Uly» degen maǵynany bildiredi.
Aıta ketelik Býrabaıda Kókshetaý taýyna barýǵa ýaqytsha shekteý engizilgen edi.
