Qarýly kúshterde ushqyshsyz ushý júıesiniń úzdik operatorlary marapattaldy
ASTANA.KAZINFORM — Oqý-ádistemelik jıyn aıasynda QR Qarýly kúshteri Qurlyq áskerleri bas qolbasshysynyń basqarmasy ushqyshsyz ushý apparattary júıesi operatorlarynyń jarysyn uıymdastyrdy. Bul týraly Qorǵanys mınıstrligi málim etti.
Oǵan óńirlik qolbasshylyqtar men áskerı oqý oryndarynyń 25 komandasy qatysty. Іs-sharany Qorǵanys mınıstri general-polkovnık Rýslan Jaqsylyqov qorytyndylady. Ol áskerı qyzmetshilerdi kele jatqan Otan qorǵaýshy kúnimen quttyqtap, qyzmette tabys tiledi.
Qorǵanys vedomstvosynyń basshysy qazirgi zamanǵy urysta mańyzdy artyqshylyq týdyratyn ushqyshsyz ushý apparattaryn paıdalaný aıasynyń ámbebaptyǵy men keńeıýine nazar aýdardy.
— Tapsyrmalardy sátti oryndaý úshin sala mamandaryna joǵary dáldik, tehnıkalyq saýattylyq, jyldam reaktsııa jáne tótenshe jaǵdaıda sheshim qabyldaý múmkindigi qajet. Sizder bul kásibı qasıetterdi jarys barysynda tolyq kórsete aldyńyzdar, — dedi Qorǵanys mınıstri.
Baıqaýǵa qatysýshylar túrli tapsyrmalardy oryndady. Onyń ishinde dál pılottyq jáne baǵdarlar boıynsha navıgatsııadan bastap, barlaý operatsııalaryn júrgizý jáne shekteýli kóriný jaǵdaıyndaǵy tapsyrmalar bar. Jyldamdyqqa, dáldikke jáne kúrdeli jaǵdaıda jumys isteý qabiletine erekshe nazar aýdaryldy.
Jarys qorytyndysy boıynsha «Mergen aspan ańshysy» nomınatsııasyn leıtenant Súndetbaı Dúısenbaev (41433 áskerı bólimi) jeńip aldy. Ekinshi oryndy efreıtor Danııar Serikqanov (44736 áskerı bólimi), úshinshi oryndy leıtenant Dıas Esker (74261 áskerı bólimi) jáne kishi serjant Aqylbek Tynyshtyqov (25744 áskerı bólim) ıelendi.
«Úzdik maman-tehnık» nomınatsııasy boıynsha birinshi oryndy serjant Іlııas Ábilqasov (30217 áskerı bólimi), «Úzdik sımýlıator operatoryn» Qurlyq áskerleri áskerı ınstıtýtynyń jaýyngeri kishi serjant Roman Smırnov ıelendi.
Kishi serjant Aqylbek Tynyshtyqov «Epti aspan ańshysy» nomınatsııasynda da úzdik nátıje kórsetti. Ekinshi oryndy aǵa leıtenant Jaras Qabykesh (68665 áskerı bólimi), úshinshi oryndy serjant Іlııas Ábilqasov (30217 áskerı bólimi) aldy.
«Ushqyshsyz avıatsııalyq júıelerdi damytý boıynsha úzdik óńirlik qolbasshylyq» nomınatsııasy «Shyǵys» ÓńQ-na berildi.
Jarystyń jeńimpazdary men júldegerlerine gramotalar, kýboktar jáne baǵaly syılyqtar tabystaldy.