Qarýly Kúshter mańǵystaýlyq sarbazǵa qatysty túsinikteme berdi

AQTAÝ. KAZINFORM — Mańǵystaýda psıhıkalyq densaýlyq ortalyǵyna jatqyzylǵan sarbazǵa qatysty quzyrly organ jaýap berdi.

QR Qarýly Kúshteri Qurlyq áskerleri baspasóz qyzmetiniń habarlaýynsha, atalǵan sarbaz áskerı bólimge kelgen sátten bastap, komandırlermen jáne psıhologpen áńgimelesý barysynda, birneshe ret áskerı qyzmetti ótkergisi kelmeıtinin bildirgen.

— 2025 jylǵy 15 qyrkúıekte Sh. qatardaǵy sarbaz «psıhıkalyq buzylystar» aldyn ala dıagnozymen Aqtaý qalasyndaǵy psıhonevrologııalyq dıspanserge gospıtalızatsııalandy. Bul týraly áskerı qyzmetshiniń ata-anasyna habarlandy. Qazirgi ýaqytta quqyq qorǵaý organdary qatardaǵy sarbaz Sh.-ǵa qatysty yqtımal zańsyz áreketter faktisi boıynsha tekserý júrgizip jatyr, — delingen habarlamada. 

QR Qarýly Kúshteri Qurlyq áskerleriniń baspasóz qyzmetiniń málimetinshe, sarbazdy tereńdetilgen medıtsınalyq tekserýden ótkizý úshin, Astana qalasyndaǵy Qorǵanys mınıstrliginiń Bas áskerı klınıkalyq gospıtaline jiberý josparlanyp otyr.

— Azamattar men buqaralyq aqparat quraldary ókilderin rastalmaǵan aqparat pen negizsiz pikirler taratýdan bas tartýǵa shaqyramyz, — delingen habarlamada. 

Eske salaıyq, buǵan deıin Mańǵystaýda ózine jaraqat salǵan sarbaz psıhıkalyq densaýlyq ortalyǵyna jatqyzylǵany týraly jazǵan bolatynbyz.