Qarýly kúshter bólimsheleriniń úılestirý jattyǵýlaryna 7 myńǵa jýyq áskerı qyzmetshi qatysty
ASTANA. KAZINFORM – Jaýyngerlik daıyndyq josparyna sáıkes Qarýly kúshter túrleri men ásker tekteriniń bólimshelerinde bólimshelerdi, ekıpajdar men eseptoptardy úılestirý ótkizildi. Bul týraly Qorǵanys mınıstrliginiń baspasóz qyzmeti habarlady.
Іs-sharanyń negizgi maqsaty – bólimsheler jeke quramynyń kelisilgen is-qımylyna qol jetkizý jáne kishi komandırlerdiń baǵynystylardy basqarýdaǵy daıyndyq deńgeıin jetildirý.
Sabaqtar tájirıbeli komandırler men nusqaýshylardyń jetekshiligimen oqý synyptarynda, polıgondarda jáne aerodromdarda shtattyq qarý-jaraq pen áskerı tehnıkany is júzinde qoldaný arqyly uıymdastyryldy. Qaýipsizdik sharalaryn saqtaýǵa erekshe kóńil bólindi.
Úılestirý is-qımyly barysynda taktıkalyq, taktıkalyq-arnaıy jáne arnaıy daıyndyq taqyryptary baılanys, barlaý, ınjenerlik jáne áskerı-medıtsınalyq daıarlyq máselelerimen keshendi túrde kezeń-kezeńmen pysyqtaldy. Іs-sharalar bekitilgen qarýdan atý daǵdylaryn, jaýyngerlik jáne arnaıy mashınalardy júrgizý sheberligin arttyrýǵa, sondaı-aq áskerı qyzmetshilerdiń dene daıyndyǵyn nyǵaıtýǵa baǵyttaldy.
Qorytyndy kezeńde bólimsheler kúndizgi jáne túngi ýaqytta shtattyq qarý-jaraq pen áskerı tehnıkadan jaýyngerlik atystardy oryndady. Sonymen qatar baqylaý taktıkalyq sabaqtary barysynda jeke quramnyń daıyndyq deńgeıi tekserildi.
Bólimshelerdi úılestirýden ótkizý – jaýyngerlik daǵdyny jetildirý men qoıylǵan tapsyrmalardy tıimdi oryndaýǵa baǵyttalǵan Qarýly kúshterdiń jaýyngerlik qabiletin arttyrýdyń mańyzdy kezeńi. Daıyndyqqa barlyǵy 7 myńǵa jýyq bólimshe tartyldy.
Eske sala keteıik, buǵan deıin desantshy barlaýshylardy qalaı daıarlaıtynyn jazǵan edik.