Qarýlanǵan qaraqshy «Qazposhta» fılıalyn tonady
ASTANA. QazAqparat - Atyraý qalasynda «Qazposhta» AQ bólimshesine qaraqshylyq shabýyl jasaǵan kúdikti ustaldy. Bul týraly búgin brıfıng barysynda QR ІІM resmı ókili Almas Sadýbaev málim etti, dep habarlaıdy QazAqparat tilshisi.
«Atyraý qalasynda oblystyq ІІD krımınaldyq polıtsııa qyzmetkerleri «Qazposhta» AQ bólimshesine qaraqshylyq shabýyl jasaǵan kúdiktini ustady. Betperde kıgen shabýyldaýshy ǵımaratqa erkin kirgen. Kassırdi tapanshamen qorqytý arqyly shamamen 1 mln teńgeni alyp, belgisiz baǵytqa iz sýytqan», - dedi Almas Sadýbaev.
Resmı ókildiń aıtýynsha, polıtsııa qyzmetkerleriniń jedel qabyldaǵan sharalarynyń nátıjesinde qylmysqa kúdikti anyqtalyp, qolǵa túsken.
«Ol jergilikti turǵyn bolyp shyqty jáne óz kinásin moıyndady. Urlanǵan aqshanyń bir bóligi tárkilendi. QR Qylmystyq kodeksiniń 192-baby 2-bóligi boıynsha sotqa deıingi tergeý amaldary júrgizilip jatyr», - dedi ol.
