15:10, 18 Maýsym 2023 | GMT +6
Qarýlanǵan er adam elordadaǵy Kaspi bank ǵımaratynda birneshe kisini tutqynda ustap otyr
ASTANA. QazAqparat – Elordadaǵy Kaspi banktiń ǵımaratynda qarýlanǵan er adam uıym qyzmetkerlerin kepilge aldy, dep habarlaıdy QazAqparat tilshisi.
«Dostyq kóshesindegi Kaspıı bankiniń ǵımaratynda er adam esikti ishinen qulyptap alǵany týraly habarlama kelip tústi. Aldyn ala málimetke saı, er adam qarýly. Oqıǵa ornynda polıtsııa qyzmetkerleri er adammen kelissóz júrgizip jatyr», - delingen polisia.kz portalynyń telegram arnasynda jarııalanǵan habarlamada.
Quqyq qorǵaý qyzmetkerleri elorda turǵyndarynan sabyr saqtap, quzyrly organdardyń qyzmetine kedergi keltirmeýdi suraıdy.
