Almaty oblysynda qarýdan atyp, 40 mln teńgesi bar seıfti áketkender ustaldy

Almaty oblysynda úıge urlyqqa túskender 40 mln teńge jáne baǵaly zattar salynǵan seıfti kóterip áketken. Kazinform bul týraly Rolisia.kz-ke silteme jasap habarlaıdy. 

8 qazanda Jambyl aýdanynyń polıtsııa bólimine belgisiz 3 adam Qasymbek aýylyndaǵy úılerdiń birine qaraqshylyq shabýyl jasaǵany týraly aqparat túsken. Olar úı ıelerin qarýmen qorqytyp, oq atqan. Keıin 40 mlm teńge aqsha, altyn áshekeıler men ózge de baǵaly zattary bar seıfti urlap áketken. 

Almaty oblystyq Polıtsııa departamenti bastyǵynyń nusqaýy boıynsha jedel tergeý toby qurylyp, olar qysqa merzimde úsh kúdiktini ustady.

«Derek QR Qylmystyq kodeksiniń 192-baby 3-bóliginiń 4-tarmaǵy «Qaraqshylyq» boıynsha tirkeldi. Qazir tergeýdiń tolyqtyǵyn, jan-jaqtylyǵyn jáne obektıvtiligin qamtamasyz etý maqsatyndaǵy barlyq qajetti sharalary júrgizilip jatyr», – dedi Almaty oblystyq PD bastyǵy Baýyrjan Álenov.

Іsti tergeý barysy oblystyq polıtsııa bastyǵynyń jeke baqylaýyna alyndy.