Qarý-jaraq, oq-dáriler taýyp alǵan taldyqorǵandyq oqýshylar marapattaldy

TALDYQORǴAN. QazAqparat - Taldyqorǵanda oqýshylar jumysy toqtap turǵan zaýyttyń mańynan qarý-jaraq pen oq-dáriler tapty, dep habarlaıdy QazAqparat Polisia.kz-ke silteme jasap.

Taldyqorǵan qalasynyń mektep oqýshylary, 11 jastaǵy Meıir Muhtaruly men 9 jastaǵy Valentın Artemenko zaýyt mańynan atys qarýy men oq-dáriler taýyp aldy. Oqıǵa ornyna kelgen polıtsııa qyzmetkerleri 2 PM (Makarov tapanshasy) jáne 30-dan astam patron tárkiledi.

Qarýdyń atýǵa jaramdylyǵyn tekserý úshin saraptamaǵa jiberildi. Azamattyq boryshyn kórsetken sanaly jasóspirimderdi qalalyq polıtsııa basshylyǵy gramotalarmen jáne estelik syılyqtarmen marapattady. Sonymen qatar tártip saqshylary balalaryna laıyqty tárbıe bergen ata-analaryna alǵystaryn bildirdi.

Oblys polıtseıleri atys qarýy men oq-dárilerdi óz erkimen tapsyrǵan azamattardyń áreketterinde basqa qylmystar bolmasa, qylmystyq jaýapkershilikten bosatylatynyn eske salady. Bul rette adamdy qamaýǵa alý kezinde, sonymen qatar olarǵa anyqtaý jáne tergeý áreketterin júrgizý barysynda alynǵan qarý «óz erkimen tapsyrý» dep tanylmaıtynyn eskeretedi.

Foto: polisia.kz