Qarý-jaraq aınalymyna arnaıy memlekettik baqylaý engizilýde - QR UQK

ASTANA. QazAqparat - Qarý saqtaýdyń talaptary kúsheıtiledi. Bul týraly búgin QR Parlamenti Májilisinde QR Ulttyq qaýipsizdik komıteti tóraǵasynyń orynbasary Marat Qalqabaev málim etti, dep habarlaıdy QazAqparat.

«Aqtóbedegi oqıǵadan baıqalǵandaı, qarý-jaraq dúkenin lańkester basyp alǵanda qarýlar atysqa daıyn bolyp shyqty. Búginde qarý aınalymy týraly zańnamaǵa qarý-jaraq tolyq jasaqtalǵan kúıinde saqtalmaýy týraly naqty talap engiziledi. ıAǵnı, myltyqtyń serippesi bólek, qarý basqa jerde jáne oq-dáriler de bir orynda saqtalýy qajet. Sonymen qatar qarý-jaraq dúkenderi adamdar kóp jınalatyn oryndarda bolmaýy tıis degen normalar eskerilýde. Bul - qatań talap»,-dedi M. Qalqabaev tilshilerge bergen suhbatynda.

Onyń sózine qaraǵanda, qarý-jaraq dúkenderine nysandary tıisti talaptarǵa sáıkes kelmese, onda olar basqa ǵımaratqa kóshýi nemese múmkindigi bolsa jańa nysan salýy qajet bolady.

«Árıne, jańa talapqa sáıkes, olar tıisti kólemde qarjy shyǵyndaıtyny belgili. Bizde qarý-jaraq dúkenderi bıznesiniń segmenti úlken emes. Alaıda, biz qarý-jaraq aınalymyna arnaıy memlekettik baqylaýdy engizip otyrmyz. Atap aıtqanda, bul turǵyda memlekettiń qatań baqylaýy eskerilip otyr jáne osyny durys túsiný kerek»,-dedi.

Budan buryn habarlanǵandaı, QR Parlamenti Májilisi jalpy otyrysta Qazaqstan Respýblıkasynyń keıbir zańnamalyq aktilerine ekstremızmge jáne terrorızmge qarsy is-qımyl máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady. Zań jobasyn qabyldaýdaǵy maqsat - ekstremızmge jáne terrorızmge qarsy is-qımyl, qarý-jaraq aınalymy jáne kóshi-qondy retteý salasyndaǵy qoldanystaǵy zańnamany jetildirý.

Onda qarý-jaraq aınalymyn, ony saqtaý tártibin baqylaýdy kúsheıtý, onyń ishinde azamattyq, qyzmettik qarý jáne oq-dári aınalymy, sondaı-aq kúzet qyzmetin júzege asyrý salasynda jumys isteıtin kásipkerlik sýbektilerin memlekettik baqylaýdyń erekshe tártibin júzege asyrý eskerilgen.

Budan bólek, ekstremızm men terrorızm úshin, onyń ishinde halyqaralyq lańkestik uıymdarǵa jáne sheteldik qarýly janjaldarǵa qatysqany úshin jazaǵa tartý sharalaryn kúsheıtý, lańkestikke yqpal etetin dinı toptar men birlestikterdiń qyzmetine tyıym salý máseleleri qamtylyp otyr.

Sonymen qatar terrorızmge qarsy is-qımyl týraly zańnamany saqtamaǵany úshin, sondaı-aq qoldanylýy mindetti tehnıkalyq quraldardyń jaramsyzdyǵy úshin kúzet qurylymdarynyń jáne lańkestik jaǵynan osal nysandar ıeleriniń ákimshilik jaýapkershiligin engizý kózdelip otyr.