Qarý ustap sýretke túsken astana turǵyny qamaýǵa alyndy
NUR-SULTAN. QazAqparat – Polıtsııa «Vkontakte» áleýmettik jelisine qarý ustap túsken sýretin salǵan elorda turǵynyn ustady, dep habarlaıdy QazAqparat tilshisi.
Nur-Sultan qalasy polıtsııa departamentiniń baspasóz qyzmeti astanalyq jigit áskerı kıimmen qarý asynyp sýretke túsip, ony «VKontakte» áleýmettik jelisinde jarııalaǵanyn jazady. Al qala turǵyndarynyń biri «102» -ge habarlasyp, áleýmettik jelide ulyna qarý ustap sýretke túsken belgisiz adamnan erteń elordada «kóńildi bolatyny» týraly habarlama kelgenin aıtqan.
«Posttyń avtory ustalyp, polıtsııaǵa jetkizildi. Ol 23 jastaǵy elorda turǵyny bolyp shyqty. Airsoft-ke áýestigi bar jigit bul posty «VKontakte» paraqshasynda jazylýshylar sanyn kóbeıtý úshin jarııalaǵanyn aıtyp otyr. Atalǵan faktqa qatysty Qylmystyq kodekstiń 287-baby boıynsha sotqa deıingi tergeý júrgizilýde. Sonyń aıasynda atys qarýynyń kimge tıesili ekenin anyqtaý úshin ballıstıkalyq saraptama taǵaıyndaldy. Polıtsııa departamenti qarýdy zańsyz ıemdengeni, bergeni, ótkizgeni jáne saqtaǵany úshin zań boıynsha qylmystyq jaýapkershilik qarastyrylǵanyn eskertedi», - delingen departamenttiń málimetinde.
