Qarý ustamaý, alkogol ishpeý – 1 shildeden otbasylyq janjalqoıǵa salynatyn tyıymdar
Ondaǵy 200 fakti boıynsha turmystyq janjal oqıǵasy rastalmaǵan. Habarlamany kóbine kórshiler bergen. Sonymen birge 10 azamat jalǵan shaqyrtý úshin (ÁQBtK 438-baby) jaýapqa tartylǵan.
«346 azamatqa qatysty ákimshilik is qozǵaldy. Quqyqbuzýshylyqtyń jolyn kesý maqsatynda 65 adamǵa qatysty ákimshilik ustaý sharasy qoldanyldy. Jábirlenýshilerdiń qaýipsizdigin qamtamasyz etý úshin «Turmystyq zorlyq-zombylyq profılaktıkasy týraly» Zańnyń 20-babyna sáıkes 300 qorǵaý nusqamasy shyǵaryldy», - dedi QR ІІM Ákimshilik polıtsııa komıtetiniń erekshe tapsyrmalar jónindegi aǵa ınspektory Aqmaral Serikbaeva mınıstrlikte ótken onlaın brıfıngide.
Spıkerdiń aıtýynsha, bul adamdar polıtsııanyń profılaktıkalyq esebine qoıyldy. Polıtsııa olardyń ómir salty men minez-qulqyn baqylaýdy kúsheıtedi.
«Sonymen qatar ol adamnyń jańa quqyqbuzýshylyqtar jasaýynyń aldyn alý úshin ákimshilik quqyqbuzýshylyqtardy qaraý kezinde. Sot janjal shyǵarýshynyń minez-qulqyna erekshe talaptar ornatýǵa quqyly. Ol 3 aıdan bir jylǵa deıingi merzimge ornatylady. Erekshe talappen qosymsha taǵy birneshe tyıym salynady: atys qarýyn jáne basqa da qarýdy satyp alýǵa, saqtaýǵa, alyp júrýge jáne paıdalanýǵa bolmaıdy; alkogoldi ishimdikterdi, esirtki quraldaryn, psıhotropty zattardy tutynýǵa bolmaıdy», - dep túsindirdi maman.
1 shildede sot belgilegen minez-qulyqqa qoıylatyn erekshe talapty buzǵany úshin qamaýǵa alý merzimi de 10 táýlikke deıin uzartyldy. Erekshe talapty qaıtalap buzsa – 20 táýlikke qamalady.
Aıta keteıik, 1 shildeden bastap turmystyq zorlyq-zombylyq úshin jaza kúsheıtildi. Endi quqyq buzýshy jábirlenýshimen bir ret qana tatýlasa alady. Otbasylyq janjal úshin agressorǵa eskertý jasalady nemese 5 táýlikke qamaýǵa alynady.
Qaıta jasalǵan jaǵdaıda – 10 táýlik qamaýǵa alý, uryp-soǵý faktisi úshin – 10 táýlik qamaýǵa alý, qaıtalansa – 20 táýlikke qamaý kózdelgen.
