Qarý tapsyrǵan SQO turǵyndaryna 8 mln teńge tólenedi
PETROPAVL. QazAqparat - Soltústik Qazaqstan oblysynda óteýsiz qarý-jaraq tapsyrý aktsııasyna 8 mıllıon teńge bólindi, dep habarlaıdy QazAqparat tilshisi.
SQO ІІD ákimshilik polıtsııa basqarmasynyń bastyǵy Jasulan Ospanovtyń aıtýynsha, qarýdy kóbinese páterge túsken urylar ozbyrlyq quraly retinde qoldanady, keı jaǵdaılarda aýyr qylmystarǵa da paıdalanady.
Basqarma bastyǵy, sondaı-aq tegis uńǵyly, jaraqat salatyn, elektr jáne gazben isteıtin qarýdy zańsyz saqtaý 20 AEK mólsherinde aıyppul salýǵa nemese qylmystyq jaýapqa tartýǵa sebep bolatynyn eske saldy.
Osyndaı aktsııalardyń arqasynda oblystaǵy qarý-jaraq mólsheri birshama azaıǵan. Byltyr soltústikqazaqstandyqtar aktsııa aıasynda 214 dana qarý jáne 1,5 oq-dári tapsyryp, olarǵa jalpy 10 mıllıon teńge syıaqy berilgen. Bıyl taǵy da 8 mıllıon teńge bólinip otyr.
«Qolyndaǵy qarýyn óz erkimen ákep tapsyrý nıeti bar turǵyndar ishki ister organdaryna kelip ótinish jazýy jáne qarýdy saraptamaǵa jiberýi tıis. Mamandar qarýdyń jaǵdaıyn tekserip, syıaqy belgilengen úsh sanattyń qaı birine jatatynyn anyqtaıdy», - deıdi vedomstvo baspasóz qyzmetiniń ókilderi.
Jyl basynan beri óńirde zańsyz aınalymda júrgen tegis uńǵyly 15 qarý tárkilenip, olardyń ıeleri zańsyz saqtaǵany úshin ákimshilik jaýapqa tartyldy.
Aktsııa 10 sáýirde bastalady.
