Qarý satyp alýdyń jańa erejesi kúshine endi
NUR-SULTAN. QazAqparat – Elimizde pnevmatıkalyq jáne sıgnaldyq qarý, gaz ballonyn satyp alýdyń jańa erejesi kúshine endi, dep habarlaıdy QazAqparat tilshisi.
«Endi azamattar qarý satyp alý úshin ony satatyn dúkende kámelettik jasqa tolǵanyn dáleldeý qajet. Sondaı-aq, sottalmaǵany týraly jáne medıtsınalyq anyqtamalar usynyp, qarý ustaýdyń qaýipsizdik erejelerin biletindigin dáleldeýi kerek», - dedi QR Іshki ister mınıstrligi Ákimshilik polıtsııa komıtetiniń tóraǵasy Maqsat Baıbolov.
Onyń aıtýynsha, mundaı shara polıtsııanyń ruqsatynsyz satylǵan qarýmen jasalatyn qylmystyń sany kóbeıgendikten qolǵa alynyp otyr.
«Úı aýlasynda oınap júrgen balalardy pnevmatıkalyq tapanshamen qorqytqan mas adamdy polıtsııa ókilderiniń ustaǵan vıdeosy áleýmettik jelige taraǵan bolatyn. Sol oqıǵa sózimizge mysal bola alady», - dedi M. Baıbolov.
ІІM deregi boıynsha, 2017 jyldan bastap pnevmatıkalyq qarý kómegimen 129 qylmys jasalǵan. Onyń 28-i qaraqshylyq, 79-y buzaqylyq, úsheýi kisi óltirýge oqtalý retinde tirkelgen.
Al 2018 jyly Qazaqstanǵa sporttyq sharalarda belgi berýge arnalǵan 4 myńnan astam sıgnaldyq qarý ákelingen.
