Qarý ótkizgen adamǵa qansha syıaqy beriledi

TÚRKІSTAN. KAZINFROM – Elimizde qarýdy qabyldap alý aktsııasy bastaldy.

Búginnen bastap Respýblıka kóleminde zańsyz saqtaýda turǵan atys qarýyn, oq-dáriler men jarylǵysh zattardy satyp alý aktsııasy bastaldy. Іs-shara QR ІІM-niń nusqaýyna sáıkes, qoǵamdyq qaýipsizdikti qamtamasyz etý, atys qarýy men jarylǵysh zattardy qoldana otyryp jasalatyn qylmystar men quqyq buzýshylyqtardyń aldyn alýǵa baǵyttalǵan.

Atap aıtar bolsaq;

- Avtomatty oıyq qarýǵa – 393 200 teńgege deıin,

- Uzyn oıyq uńǵyly qarýǵa – 196 600 teńgege deıin, 

- Qysqa uńǵyly oıyq qarýǵa – 157 280 teńgege deıin, 

- Tegis uzyn uńǵyly qarýǵa – 117 960 teńgege deıin beriledi. 

Odan bólek; 

- Travmatıkalyq tapansha nemese revolverge – 39 320 teńgege deıin,

- Jarylǵysh zat jáne arterııalyq snarıadqa – 27 524 teńgege deıin,

- Jarylǵysh zattyń 1 000 grammyna – 23 592 teńgege deıin beriledi.

Sondaı-aq 5,6 mm kalıbrden joǵary oıyq uńǵyly qarýdan atýǵa arnalǵan oqtyń danasyna – 112 teńge, 5,6 mm kalıbrli kishi oıyq uńǵyly qarýdan atýǵa arnalǵan oqtarǵa danasyna 34 teńge beriledi. 

– Zańsyz saqtaýdaǵy qarý-jaraq quraldaryn satyp alý jónindegi aktsııa QR Іshki ister mınıstriniń 2015 jylǵy 27 naýryzdaǵy buıryǵymen bekitilgen. Erikti túrde tapsyrylatyn atys qarýyna, oq-dáriler men jarylǵysh zattarǵa dárejesine qaraı aqshalaı syıaqy beriledi. Zańsyz saqtalǵan atys qarýyn, oq-dárilerdi jáne jarylǵysh zattardy erikti túrde tapsyrǵan azamattar qylmystyq jáne ákimshilik jaýapkershilikten bosatylady, - dedi Túrkistan oblysy polıtsııa departamentiniń ákimshilik polıtsııa basqaramasynyń ınspektory Abdýlla Amanbaev.

Aıta keteıik, budan buryn Shymkentte muǵalimdi bopsalaǵan bloger ustalǵanyn jazǵan edik.