Qarý ıelengen qazaqstandyqtardyń úılerine dabyl jabdyqtaryn ornatý mindetteledi
ASTANA. QazAqparat - QR ІІM azamattyq qarý ıelerine úndeýinde qarý saqtalatyn bólmelerde kúzet júıesin paıdalaný jáne olardyń bolýy jónindegi mindetti talap engizildi, dep habarlady «Zakon.kz» aqparattyq agenttigi.
Іshki ister mınıstrligi «Qarýlardyń keıbir túrleri aınalymyna memlekettik baqylaý týraly» QR Zańynyń 16-babynyń 2 tarmaǵyna sáıkes qarý ıeleri qarýlardyń jáne olardyń patrondarynyń saqtalýyn qamtamasyz etýge mindetti ekenin eske salady.
ІІM Qazaqstan Respýblıkasy Úkimetiniń 2000 jylǵy 3 tamyzdaǵy № 1176 qaýlysymen bekitilgen qarýlar men olardyń patrondary aınalymy erejelerine túzetý engizýge bastamashy boldy, onda azamattyq jáne qyzmettik qarýlar ıelerine qarýlardyń jáne olardyń patrondarynyń saqtalýyn qamtamasyz etý jóninde qosymsha talaptar kózdelgen.
Páterler urlyqtary men qylmyskerlerdi ustaýǵa járdemdesetin qarý saqtaıtyn bólmelerge kúzet júıesiniń bolýy jáne ony paıdalaný jóninde mindetti talaptar engizildi.
«Sońǵy jyldary Qazaqstan Respýblıkasynyń aýmaǵynda páter urlyqtary jıiledi, sonyń saldarynan tirkelgen azamattyq qarýlar urlanýda, osy urlanǵan qarýlardyń zańsyz aınalymǵa túsip, olardy qylmys jasaýǵa paıdalaný múmkindigine baılanysty Іshki ister mınıstrligi alańdaýshylyq bildiredi», - delingen QR ІІM-niń úndeýinde.
