«Qarý-2013» is-sharasynda zańsyz saqtalǵan 32 qarý tárkilendi
ASTANA. 31 naýryz. QazAqparat - Elorda aýmaǵynda «Qarý-2013» shuǵyl aldyn alý is-sharasy ótkizildi, dep habarlaıdy astana.kz qalalyq ІІD baspasóz qyzmetine silteme jasap.
Vedomstvodan habarlaǵanyndaı, is-shara qaladaǵy jaǵdaıdy turaqtandyrý qylmystyń jáne qarý-jaraq pen jarylǵysh zattardy qoldanýmen jasalatyn qylmystardyń aldyn alý maqsatynda ótkizilýde.
Polıtseıler 604 qarý saqtaıtyn azamttardy tekserdi. Qorytyndysynda zańsyz qarý-jaraq saqtalǵan, alyp júrgen jáne ýaqytynda esepke qoımaǵan 29 fakt anyqtaldy. 25 adam ákimshilik jaýapkershilikke tartyldy.
ІІD málimeti boıynsha, is-shara kezinde zańsyz saqtalǵan 32 qarý tárkilendi.
Qoldanǵan sharalardyń arqasynda 4 oqty qarý, 3 sholaq myltyq, 1 gazben atylatyn tapanshany zańsyz saqtaý faktisi anyqtalyp, olar aınalymnan alyndy.
Baspasóz qyzmeti zańsyz qarý saqtaǵan barlyq faktiler boıynsha tekserý júrgizip, saraptaý jumystary taǵaıyndalǵanyn atap kórsetedi.
