«Qarý - 2010» is-sharasynyń ekinshi kezeńi aıaqtaldy
ASTANA. Qazannyń 13-i. QazAqparat /Arman Asqarov/ - Respýblıkamyz boıynsha qazannyń 5-i men 9-y aralyǵynda ótkizilgen «Qarý - 2010» jedel aldyn alý is-sharasynyń ekinshi kezeńi boıynsha 725 birlik zańsyz qarý-jaraq quraldary tárkilendi. Bul týraly búgin elordadaǵy baspasóz máslıhatynda QR Іshki ister mınıstrligi Ákimshilik polıtsııa komıteti tóraǵasynyń orynbasary Igor Lepeha málim etti.
Onyń habarlaýynsha, jeke qarý ıelerinen 4529 birlik tirkelgen azamattyq qarý alynyp, onyń 725-i zańsyz saqtalǵandyǵy anyqtaldy. Tárkilengen zańsyz qarý-jaraqtyń ishinde 43 birlik ıir oıyqty, 31 vıntovka, 3 sholaq uńǵyly qarý, 5 birlik gazdy qarý, 35 birlik qoldan jasalǵan qarý, 529 birlik tegis uńǵyly atys qarýy, onyń 125-i sholaq uńǵyly, 58 gazdy, 45 jaraqat salatyn qarý, 15 birlik elektroshoker qurylǵylary, oıyq qarýdyń 826 dana patrony jáne 5 granata bar. «Bul rette qarý aınalymy salasynda 5000 ákimshilik quqyq buzýshylyq faktileri anyqtalyp, 4415 adam ákimshilik jaýapkershilikke tartyldy. 505 materıal sotqa jiberildi», - deıdi I.Lepeha.
