«Qarý-2010» is-sharasynyń alǵashqy kúninde elordada zańsyz saqtalǵan 9 qarý tárkilendi - ІІD
ASTANA. Sáýirdiń 14-i. QazAqparat - Astana qalalyq ishki ister departamentiniń qyzmetkerleri sáýirdiń 12-si men 16-sy aralyǵynda ótkizilip jatqan «Qarý-2010» respýblıkalyq is-sharasynyń alǵashqy kúninde zańsyz saqtalǵan 9 qarýdy tárkiledi.
Bul aqparatty atalǵan vedomstvonyń til saıasaty jáne aqparat bólimi taratyp otyr.
Máselen, vedomstvonyń habarlaýynsha, Krımınaldyq polıtsııa basqarmasynyń qyzmetkerleri jumyssyz, buryn sottalǵan elorda turǵynan ustap, odan oqpen atylatyn qarýǵa aınaldyrylǵan 9 mm gaz tapanshasyn alǵan. Qazirgi ýaqytta atalǵan is boıynsha tergeý amaldary júrgizilýde.
Bir kúnniń ishinde polıtseıler qarýdy saqtaý, alyp júrý, tasymaldaý jáne esepke alý syndy tártipterdiń 30 ret buzylǵanyn anyqtaǵan. Sondaı-aq
polıtseıler ishki ister bóliminde tirkelgen 29 vıntovka, karabın, gazdy jáne travmatıkalyq qarýlardy zańdy aınalym erejeleri buzylǵandyǵy úshin tárkilegen.
Іs-sharanyń negizgi maqsaty - otty qarýdy, jarylǵysh zattardy jáne qurylǵylardy paıdalaný arqyly jasalatyn qylmystardyń aldyn alý jáne ashý. Osy shara barysynda elordalyq polıtseıler azamattar arasynda óz erikterimen qarýdy, oq-dárilerdi, jarylǵysh zattardy jáne qurylǵylardy tapsyrýǵa úgitteıtin aýqymdy túsindirý jumystaryn júzege asyrady.
