Qartty tonap, óltirgender týystary bolyp shyqty - ІІM
ASTANA. 16 mamyr. QazAqparat -75 jastaǵy zeınetkerdi tonap, óltirgen kúdiktiler Shymkent qalasynda ustaldy.
Bul týraly búgingi baspasóz máslıhatynda QR Іshki ister mınıstrliginiń resmı ókili Nurdildá Oraz habarlady.
Aǵymdaǵy jyly sáýir aıynda Qyzylorda oblysynyń Shıeli aýylynyń turǵyny, 75 jastaǵy zeınetkerdiń máıiti óz úıinde tabylǵan bolatyn. Tergeý amaldary barysynda anyqtalǵandaı, qandyqol qaraqshynyń biri mert bolǵan zeınetkerdiń nemere inisi bolyp shyqqan. Ol qyrýar qarjyǵa kenelem dep, óz sybaılasyna týysyn tonap, óltirýdi usynǵan. Sodan soń, ekeýi birigip, qarııany óz úıinde soqqyǵa jyqty. Sol jerde jábirlenýshi jan tásilim bolǵan. 26-36 jastaǵy baýkespeler zeınetkerdiń 200 myń teńgesin ıelenip, oqıǵa ornynan izderin sýytqan.
