Qarttar úıinde robottar qyzmet jasaıtyn boldy
ASTANA. QazAqparat - Danııada qarttar úıinde kishi medıtsınalyq qyzmetkerlerdi robottar almastyratyn boldy, dep jazady ITAR-TASS.
Koroldikte qart adamdardyń kútimine jyldyq JІÓ-niń onnan bir bóligi jumsalatyn kórinedi. Bundaı shyǵynǵa jol bermes úshin sheneýnikter kishi medıtsınalyq qyzmetkerlerdi - sanıtarlar, tazalyqshylar, naýqasty kútýshilerdi robottarmen almastyrý týraly sheshimge keldi. Bundaı sheshimge qarttar alǵashqy kezde narazy bolǵan edi. Al qazirde olardyń «temir kómekshilerine» boılary úırenip, shaǵymdary azaıa tústi.
Danııa statıstıkasynyń málimetterine qaraǵanda, qazirdiń ózinde memleket 65 jastan asqan ár qartqa jumsalatyn qarajattan 10 851 kron (1 454 eýro) únemdegen eken.
