Qarttar úıi taqyrybynan jańalyq izdeýge bolmaıdy - Dýlat Isabekov
ALMATY. 4 mamyr. QazAqparat - Qarttar úıi taqyrybynan jańalyq izdeýge bolmaıdy. Jazýshy, dramatýrg, QR Memlekettik syılyǵynyń ıegeri Dýlat Isabekov keshe Almatydaǵy Muhtar Áýezov atyndaǵy Qazaq memlekettik akdemııalyq drama teatrynda Donald Kobýrnnyń «Jynoınaq» dep atalatyn tragıkomedııanyń tusaýkeserinde osyndaı pikir bildirdi.
«Qartar úıi taqyrybynda álemde qoıylym óte kóp. Ony aýyq-aýyq jańartyp turǵan da jaqsy shyǵar dep oılaımyn. Qarttar úıi degen qulaq estip, kóz kórmegen máseleler edi, bizge de jetti. Ásirese, shyǵys halqyna bul ólimmen teń uıat nárse bolatyn. Bul pessa taza akterlik oıynǵa qurylǵan. Kartany bilmeıtin kempir aqyrynda joly bolǵyshqa aınalyp, saý men jyndynyń arasyna kelip toqtaǵan qoǵamnyń ómirin, adamdardyń tragedııasyn kórsetedi», - deıdi D. Isabekov. Onyń aıtýynsha, qandaıda bir shyǵarmany sahnaǵan kezde rejısserlerdiń aldyna qoıǵan óz mindeti bolady. Ár akterge ról taýyp berý degen. Ol úlken másele. Qarttar úıi týraly «Otyz ulyń bolǵansha» degen qoıylym bar. Onda Sholpan Jandarbekova, Farıda Sháripova, Sábıt Orazbaev sııaqty aǵa býyl ókilderi oınady. Olar kúndelikti spektaklderden tys qalǵan akterler boldy. Solarǵa ról taýyp berý kerek bolǵandyqtan olardy bos otyrǵyzyp qoımas úshin rejısser keıde sondaı repertýardy tańdap alady. Budan jańalyq izdeýge bolmaıdy. Ol tuıyqqa tirelgen adamdardyń tirshiligin kórsetý arqyly adamdardy oılandyrýǵa baǵyttalǵan.
