Qarttar ómir súrýi úshin eń qolaıly qala anyqtaldy
ASTANA. QazAqparat - Amerıkalyq "Interneshnl lıvıng" basylymy zeınetkerler úshin eń qolaıly elderdiń reıtıngisin shyǵardy.
Reıtıngti shyǵarý barysynda baspana quny, jyljymaıtyn múlikterdiń baǵasy, klımat pen medıtsınalyq qyzmet kórsetýdiń sapasy eskerildi. Belgili bolǵandaı, bul joly da kósh basynda Ekvador turdy. Ekvadorda azyq-túlik, kıim-keshek, kólik baǵalary AQSh-qa qaraǵanda anaǵurlym arzan. Bul jerde páter jaldaý qunyn qosqanda aıyna 1,5 myń dollarǵa ómir súrýge bolady eken. Dárigerge qaralý 10 dollar, al meıramhanada tamaqtaný 2,5 dollar shamasynda. Ekvadordaǵy 65-ten asqan qart adamdarǵa áýe, qoǵamdyq kólikterge jeńildikter jasalǵan.
Jýrnaldyń tizimine barlyǵy 25 memleket endi. Ekinshi orynda Panama, úshinshi orynda Meksıka tur. Sondaı-aq Malaızııa, Kosta-Rıka, Malta, Ispanııa, Kolýmbııa, Portýgalııa men Taıland úzdik ondyqtar qatarynda, dep jazady sheteldik BAQ.
