Qarttar kúni: Astanada 110 myńnan asa zeınetkerge aqsha beriledi
ASTANA. KAZINFORM — Astanada 1 qazanda atap ótiletin Qarttar kúnine oraı zeınetkerlerge birjolǵy áleýmettik tólem beriledi, dep habarlaıdy elorda ákimdiginiń resmı saıty.
— Astana qalasynyń jekelegen sanattaǵy muqtaj azamattaryna áleýmettik kómek kórsetý, onyń mólsherin belgileý jáne alýshylar sanatyn aıqyndaý qaǵıdalaryna sáıkes, elordada tirkelgen jasy boıynsha zeınetkerlerge, sondaı-aq zeınetaqynyń eń tómen mólsherin alatyn zeınet jasyndaǵy azamattarǵa 2,5 aılyq eseptik kórsetkish mólsherinde birjolǵy aqshalaı tólem qarastyrylǵan, — delingen ákimdik taratqan aqparatta.
Astana qalasy boıynsha «Azamattarǵa arnalǵan úkimet» memlekettik korporatsııasy» KEAQ usynǵan tizimge sáıkes, áleýmettik kómek 110 myńnan astam jasy boıynsha zeınetkerdi qamtıdy.
Buǵan deıin qylmys qurbany bolsańyz, qandaı jaǵdaıda memleket ótemaqy tóleıtini týraly jazǵanbyz.
