Kartop tapshylyǵy bolmaıdy - AShM
ASTANA. KAZINFORM — Bıyl elimizde 3 mln tonnaǵa jýyq kartop jınaldy. Bul týraly Aýyl sharýashylyǵy vıtse-mınıstri Azat Sultanov aıtty.
- Bıyl alqaptardan 3 mln tonnaǵa jýyq kartop jınaldy. Tutynýdyń medıtsınalyq normasyna sáıkes, ishki naryqty tolyqtaı qamtamasyz etý úshin 2 mln tonna kartop qajet. Ózderińiz de bilesizder, ótken jyly kartopymyzǵa úlken suranys bolyp, bul jaıt ishki naryqtaǵy baǵaǵa áserin tıgizgen bolatyn. Sondyqtan uıymdastyrylǵan sharýashylyqtar bıyl ótken jylǵa qaraǵanda kartopty kóbirek kólemde ekti. Soǵan oraı jınalǵan 3 mln tonna ónim ishki naryqty tolyqtaı qamtamasyz etýmen qatar bir bóligin eksportqa jiberýge de jetkilikti, - dedi vıtse-mınıstr Májilistiń jalpy otyrysynan keıin BAQ ókilderiniń saýalyna oraı.
Sonymen qatar ol ishki naryqta kartop jetkilikti bolǵanmen maýsymaralyq kezeńde ımporttalatynyn jasyrǵan joq. Biraq onyń kólemi jyldan jylǵa azaıyp kele jatqanyn aıtty.
- Statıstıkadan kórip otyrmyz, kartop ımporty jyl saıyn qysqaryp kele jatyr. Ótken jyldyń qorytyndysynda osy maýsymǵa shamamen 15 myń tonna ákeldik. Bul úlken kólem emes. Bir kezderi 50-60 myń tonna kartop ákeletinbiz, - dedi Azat Sultanov.
Bıyl elimiz 450 myń tonna kartop eksporttaýdy josparlap otyrǵanyn jazǵan edik.