Kartop eksportyna shekteý qoıýǵa esh negiz joq - AShM
ASTANA. KAZINFORM – Bıyl 400 mln tonna kartop eksporttaýǵa múmkindik bar. Bul týraly Úkimet otyrysynan keıingi baspasóz máslıhatynda Aýyl sharýashylyǵy vıtse-mınıstri Nazgúl Hatepova aıtty.
- Jalpy, jıyn-terim qorytyndysy boıynsha kartoptyń jalpy túsimi 2,8 mln tonnany quraıdy dep boljap otyrmyz. Bul ótken jylǵy deńgeımen birdeı. Byltyr 388 myń tonna kartop eksporttadyq. Bıyl da 400 myń tonna kólemindegi eksporttyq áleýet saqtalady. Búginde 2,5 mln tonna kartop jınaldy, - dedi ol.
Vıtse-mınıstrdiń dereginshe, qazirgi ýaqytta Qaraǵandy jáne Pavlodar oblystaryndaǵy alqaptarda kartop 90-100 teńgeden satylyp jatyr.
- Fermerlerge kartoptyń artyǵyn basqa elderge eksporttaýǵa múmkindik berý úshin ákimdiktermen jáne iri saýda jelilerimen aldyn ala kelisimshart jasaý boıynsha jumys júrgizip jatyrmyz. Demek, búgingi tańda kartop eksportyna qandaı da bir shekteý engizýge eshqandaı negiz kórip otyrǵan joqpyz, - dedi Nazgúl Hatepova.
Buǵan deıin bıyl sharýashylyqtardaǵy kartop egý alqaby 5,5 myń gektarǵa kóbeıgenin jazǵan edik.
