Kartop baǵasy turaqtandy, ósýine esh negiz joq – AShM
ASTANA. KAZINFORM – Aýyl sharýashylyǵy mınıstrligi kartop baǵasynyń aınalasyndaǵy dúrbeleńge qatysty taǵy da túsinik berdi.
— Bul jerde jergilikti ákimdikter barlyq saýda júıesimen birlesip jumys istep anyqtady. Búgingi kúni baǵa turaqtandy, kartop baǵasynyń ósýine eshqandaı negiz joq, — dep qysqa qaıyrdy Aýyl sharýashylyǵy vıtse-mınıstri Erbol Tasjúrekov Májilis otyrysynan keıin BAQ ókilderiniń saýalyna jaýap bere turyp.
Aıta ketsek, elimizdiń Saýda jáne ıntegratsııa mınıstrligi habarlaǵandaı, kartop baǵasyn turaqtandyrý barysynda 49 zań buzýshylyq anyqtaldy.
Eske salaıyq, elimizde kartopty ózge elderge eksporttaýǵa 6 aıǵa shekteý qoıyldy.
Sondaı-aq Aýyl sharýashylyǵy mınıstrligi kartop qory ishki qajettilikti tolyq qamtamasyz etýge jetkilikti ekenin málim etti.