Kartop baǵasy qashan tómendeıdi

ASTANA. KAZINFORM — Premer-mınıstrdiń orynbasary — Ulttyq ekonomıka mınıstri Serik Jumanǵarın kartop baǵasyna qatysty túsinik berdi.

— Suranys pen usynys zańdylyǵy bar. Osyǵan deıin Belarýste de, Reseı Federatsııasynda da, Ózbekstanda da kartop jaqsy óspegen. Al Qazaqstanda byltyr aıtarlyqtaı jaqsy qor qalyptasqan edi. Bul rette, fermerler osy ónimnen jaqsy tabys alǵysy keldi, ıaǵnı belgili bir ýaqytqa deıin kartopty eksporttaýǵa shekteý qoımadyq. Shyn máninde, bizde kartop tapshylyǵy joq. Biraq baǵasy ósti. Bizde eki jol bar. Birinshisi — kartoptyń baǵasyn shekteý, onda ony bıyl eshkim ekpeýi múmkin jáne kelesi jyly tapshylyqqa tap bolamyz. Ekinshi joly — kartop eksportyn shekteý. Biz osy qadamǵa barýǵa májbúr boldyq. Biz baǵany shektemedik, óıtkeni bul tetik naryq talaptaryna saı kelmeıdi, — dedi S. Jumanǵarın Parlament Májilisinde tilshiler suraǵyna jaýap bere otyryp.

Onyń aıtýynsha, qazir kartoptyń kelisi 400-600 teńge aralyǵynda. Sonymen qatar, Túrkistan oblysynda shyqqan kartoptyń bıylǵy jańa ónimi egis alqaptarynda 200-300 teńge shamasynda.

— Meniń oıymsha, qazir osy ónimniń baǵasy turaqtala bastaıdy. Munymen qosa, Astanada 50 konteıner túsirilip jatyr. Jalpy, dúken sórelerinde kartop bolmaǵan kezder baıqalmady, — dedi vıtse-premer.

Eske salsaq, bıyl mamyr aıynda QR Aýyl sharýashylyǵy mınıstri Aıdarbek Saparov osy jyly kartop egistikteri kóbeıetinin aıtty.