Kartop baǵasy aldaǵy 2-3 kúnde turaqtanady

ASTANA. KAZINFORM – QR Aýyl sharýashylyǵy Eginshilik departamentiniń dırektory Nazgúl Hatepova Úkimette kartop baǵasynyń kenetten qymbattaýy jóninde pikir bildirdi. 

− Baǵanyń kóterilýi nemese túsýi tendentsııasy turaqty baqylaýda. Sońǵy úsh kúnniń ózinde baǵanyń tómendeý faktilerin kórip otyrmyz. Astana boıynsha kartop keshe 433 teńge bolsa, búgin 280 teńge. Magným men kóterme saýda ortalyqtaryndaǵy jedel aqparat ta bizde bar. Aldaǵy 2-3 kúnde bul Qazaqstan boıynsha baǵaǵa áser etip, kelesi aptada turaqty baǵa ornaıdy dep senemiz, − dedi N. Hatepova Úkimet kýlýarynda. 

Bul rette kartoptyń sharýalardan satyp alynatyn ózindik quny – 170-180 teńge. 

− Syrtqy naryqta kartopqa suranys óte joǵary. Bul bir jaǵynan aýyl sharýashylyǵy ónimin óndirýshiler úshin jaqsy. Óıtkeni óz ónimderin tıimdi baǵada sata alady. Alaıda baǵa ishki faktorǵa áserin tıgizip otyr. ıAǵnı syrtqy naryqta joǵary suranys bolǵandyqtan ishki baǵada kóterilip ketti. Bul máseleni turaqtandyrý úshin kartop eksportyna tyıym salyndy, - dep túsindirdi N. Hatepova. 

Eske sala ketsek, Aqtóbede kartop baǵasy birden 100 teńgege qymbattap ketti.

Іshki naryqtaǵy kartop baǵasyn turaqtandyrý maqsatynda 18 qańtarda ótken Saýda qyzmeti máseleleri jónindegi vedomstvoaralyq komıssııa otyrysynda kartopty úshinshi elderge áketýdi 6 aı merzimge shekteý týraly sheshim qabyldandy.

Al, aýyl sharýashylyǵy mınıstrligi kartop qory ishki qajettilikti tolyq qamtamasyz etýge jetkilikti ekenin málimdegen bolatyn.