Qartaıýdy tejeıtin jańa tásilder anyqtaldy
ASTANA. 24 tamyz. QazAqparat - Karolına ınstıtýty jáne Maks Plankanyń Qartaıý bıologııasy ınstıtýtynyń zertteýshileri qartaıý úderisiniń ózi ómir súrý barysynda bolyp jatatyn zııandy mýtatsııalardyń jınaqtalýymen ǵana emes, sonymen qatar anasynan beriletin genderge de baılanysty ekenin anyqtady, dep habarlaıdy Post Jagran.
Ǵalymdar kemirgishterdi zertteý kezinde qartaıý úderisin tejeýge múmkindik beretin mıtohondrııaǵa áser etýdiń jańa tásilderin anyqtady. Mıtohondrııa jasýshasynda energııa kózi retinde paıdalanylatyn adenozıntrıfosfattyń edáýir úlesi óndiriledi. Mıtohondrııalardyń óziniń ıadrolyqqa qaraǵanda kóbirek ózgeretin ózine tán DNQ-sy bolady. Jáne osy sát ózgerister birden energııanyń shyǵarylýyna septigin tıgizetindikten, qartaıýǵa da aıtarlyqtaı áser etedi. Ǵalymdar alǵashqy ret qartaıýdyń mıtohondrııalyq DNQ-nyń buzylýynan ǵana emes, sondaı-aq, anasynan tuqym qýalaý arqyly berilgen DNQ erekshelikterinen týyndaıtynyn kórsetip shyqty.
