Qartaıý men semizdikke sebep bolatyn gen anyqtaldy
ASTANA. QazAqparat - Amerıkalyq ǵalymdar semizdik pen qartaıýǵa sebep bolatyn gen túrin anyqtady.
Áńgime ımmýnıtetke jaýapty FAT10 geni týraly bolyp otyr. Eger zat almasý protsesin de úılestiretin atalmysh genniń jumysy toqtatylsa, adam aǵzasyn semizdik pen qartaıýdan saqtaýǵa bolady.
Ǵalymdar bul zertteýlerin tyshqandarǵa jasap kórgen. Tájirıbe kezinde mamandar tyshqandardaǵy atalǵan gen túriniń jumysyn toqtatyp tastaǵan. Nátıjesinde tyshqandardyń ómiri 20 paıyzǵa uzardy. Sonymen qatar, ol tyshqandar semizdikke de shaldyqpaǵany belgili boldy.
Ǵalymdar ózderiniń bul zertteýleri bolashaqta adamdarǵa septigin tıgizer dep úmittenedi, dep jazady rosbalt.
