Qartaıǵanda kezde de densaýlyqty qalaı saqtaýǵa bolady?
ASTANA. 7 sáýir. Qazaqparat - Ekzotıkalyq tamaqtarǵa áýestenbeı, jaqsy tamaqtanǵan qol jumysy men ıntellektýaldyq qyzmetti ushtastyryp, óz sezimderine baqylaý ornata bilgen adamdar qartaıý úderisimen baılanysty organızmdegi ózgeristerdi tejeı alady.
RF Densaýlyq saqtaý jáne áleýmettik damý mınıstrliginiń Reseı ulttyq zertteý medıtsınalyq ýnıversıtetiniń «Gerantologııa» ortalyǵynyń dırektory, Reseı Medıtsına ǵylymdary akademııasynyń akademıgi Vladımır Shabalın osyndaı pikirin bildirdi, dep habarlady ITAR-TASS.
«Eń aldymen, adamnyń dene qyzmeti men ıntellektýaldyq qyzmetine birdeı turaqty júkteme bolýy tıis. Áıtpese, adam qajı bastaıdy. Sportshy sııaqty jattyqsa, bulshyq etteri, súıekteri jáne basqa da aǵzalary damıdy, sol sııaqty adamnyń bas mıy da únemi jumys ústinde bolýy tıis», - dedi ol.
Dárigerdiń aıtýynsha, uıqy gıgıenasyna, sondaı-aq sezimderin basqarýǵa úırený qajet, sonda uzaq ómir súrýge bolady.
Shabalınniń aıtýynsha, uzaq ómir súrýdiń taǵy bir qupııasy - jaqsy tamaqtanýda. Ekzotıkalyq dıetaǵa áýes bolmaý qajet. Adam áýelden qandaı taǵamdarǵa ádettense, sony ustanýy qajet. Egde tartqan saıyn mal jáne ósimdik taǵamdarynyń araqatynastaryn saqtaı otyryp, ekinshisine qaraı kóbirek oıysý qajet, deıdi ol.
