«Kart-Tel» JShS ákimshilik jaýapkershilikke tartylady
ASTANA. 23 qarasha. QazAqparat 2010 jylǵy shildede monopolııaǵa qarsy organ roýmıng qyzmetine qosylý úshin shekti mánderdi belgileý arqyly ústem jaǵdaıyn teris paıdalaný faktisi boıynsha «Kar - Tel» JShS-nyń (uıaly baılanys operatory) monopolııaǵa qarsy zańnamany buzýyn tergeý aıaqtaldy.
Anyqtalǵan faktiler boıynsha ÁQtK-nyń 147-babynyń 3-bóligi boıynsha ákimshilik quqyq buzýshylyq týraly hattama jasaldy jáne ony qaraý jáne operatordy ákimshilik jaýapkershilikke tartý úshin Almaty qalasynyń ákimshilik sotyna jiberildi.
Alaıda «Kar - Tel» JShS-nyń ótinishi boıynsha istiń atalǵan sanatyn qaraý ákimshilik sottyń quzyretine jatatyndyǵyna qaramastan, Astana qalasynyń ekonomıkalyq soty óziniń 2010 jylǵy 19 qazandaǵy sheshimimen tergeý qorytyndylaryn zańsyz dep tanydy.
Astana qalasynyń soty óziniń 2010 jylǵy 13 jeltoqsandaǵy jáne 2011 jylǵy 17 aqpandaǵy qaýlylarymen ekonomıkalyq sottyń ustanymyn qoldady.
Monopolııaǵa qarsy organ joǵaryda kórsetilgen sot aktilerine qadaǵalaý narazylyǵyn engizýdi suraı otyryp, Qazaqstan Respýblıkasy Bas prokýratýrasyna ótinish berýge májbúr boldy.
Qazaqstan Respýblıkasynyń Bas prokýratýrasy daýdyń durys sheshilmeýine ákep soqqan sot aktilerindegi buzýshylyqtardyń bar ekendigin anyqtap, narazylyqty Qazaqstan Respýblıkasynyń Joǵarǵy Sotyna engizdi.
2011 jylǵy 16 qarashada Qazaqstan Respýblıkasy Joǵarǵy Sotynyń azamattyq jáne ákimshilik ister jónindegi qadaǵalaý alqasy Qazaqstan Respýblıkasy Bas prokýratýrasynyń narazylyǵyn qanaǵattandyrdy, ekonomıkalyq sotta is júrgizýdi toqtata otyryp, joǵaryda kórsetilgen barlyq sot sheshimderiniń kúshi joıyldy.
Ákimshilik quqyq buzýshylyq týraly hattama «Kar - Tel» JShS-ny ákimshilik jaýapkershilikke tartý úshin ákimshilik sotqa jiberildi.
