Qart maıdanger Áýbákir Ýálıev: Uly Jeńistiń 70 jyldyǵy aıasynda barlyq sharalarǵa barýǵa tyrysamyn

ASTANA. QazAqparat - Elordalyq qart maıdanger Áýbákir Ýálıev QazAqparat tilshisine bergen suhbatynda jastardy otansúıgishtikke tárbıleýde ardager qarttardy umytpaý kerektigin jetkizdi.

«Bıyl aıtýly jyl ekenin bilesizder jáne bul 70 jyldyq biz úshin óte mańyzdy. Sondyqtan da Uly Jeńistiń 70 jyldyǵy aıasynda uıymdastyrylatyn barlyq sharalarǵa barýǵa tyrysamyn dep josparlap otyrmyn. Densaýlyq jaǵdaıym múmkindik berip jatsa, urys ótken jerlerge de, áskerı sherýge de barýǵa daıynmyn», - dedi qart maıdanger. Bıyl Uly Jeńistiń 70 jyldyǵyn atap ótý aıasynda TMD boıynsha 2015 jyl Ardagerler jyly bolyp bekitildi. Memleket basshysy Nursultan Nazarbaevtyń bastamasymen elimizde Uly Otan soǵysy ardagerlerine qurmet kórsetý baǵytynda tıisti sharalar uıymdastyryldy. «Jaqynda Memleket basshysynyń atynan ákimdik quttyqtady. Elimizde qart maıdangerlerge degen qurmet jaqsy jáne osyndaı qamqorlyq jastardy otansúıgishtikke tárbıeleýde ózindik úlesin qosýda. Memleketimizde beıbitshilik pen turaqtylyq buzylmasyn. 2015 jyly Qazaqstan óz aldyna qoıǵan maqsat, mindetterin oryndaýda jemisti bolsyn tileımin»,-dedi ardager óz quttyqtaýynda. Qart maıdanger Belarýs jerinde ótken soǵystarǵa qatysyp, Eýropanyń basqynshy fashısterden azat etý urystarynda erlikpen shaıqasty.