Qart maıdanger Astanadaǵy áskerı sherýge joǵary baǵa berdi
«Búgin jaýyngerlik paradqa qatysyp, áskerlerdiń daıyndyǵyn tamashaladyq. Meniń baıqaýymsha, qazirgi kezde bizdiń qazaq áskerleri óte jaqsy qarýlanǵan. Barlyq jaýyngerlik tehnıkamen qamtamasyz etilgen eken. Biz ardagerler retinde búgingi sherýdegi kórinispen qatty qýanyp otyrmyz, óıtkeni joǵary daıarlyqtan ótken osy sarbazdardyń barlyǵy elimizdiń qorǵanys shebinde tur. Elimiz damı bersin, elimiz aman, jurtymyz tynysh bolsyn!» - dedi qart ardager Myńaıdar Boranbaıuly
«Biz bul Uly Otan soǵysynan aman oraldyq. Bul qasiretti soǵysty adam balasynyń basyna bermesin. Men ózim Qostanaı oblysynan edim. Attanǵan 500 jigittiń ishinen tórt aıda 38-imiz ǵana aman qaldyq. Olardyń barlyǵy elimiz úshin, bolashaǵymyz úshin keýdesin oqqa tosty. Alda jyly Uly Jeńistiń 70 jyldyǵy kele jatyr. Osy oraıda jastardy otansúıgishtikke tárbıeleýge aıryqsha mán berý kerek dep oılaımyn», - deıdi qart maıdanger.
