Qart áıel Grýzııada Ǵalamtordy isten shyǵardy
ASTANA. 8 sáýir. QazAqparat - Grýzııada eldiń aıtarlyqtaı aýmaǵynda Ǵalamtordy isten shyǵardy dep qart áıeldi aıyptap otyr.
Bul týraly Russia Today telearnasynyń aqparatyna silteme jasaı otyryp Ýtro.rý agenttigi habarlady.
Jýrnalısterdiń málimetinshe, 75 jastaǵy grýzııalyq keıýana óziniń baqshasynda jer qazyp jatyp, kúrekpen jer astyndaǵy kabeldi zaqymdaǵan. Sonyń saldarynan Grýzııadaǵy halyqtyń kóbi Ǵalamtor jelisine shyǵa almaı qalǵan. Al áıel bolsa, oqıǵaǵa eshqandaı qatysy joq ekenin aıtýda.
