Qarsylasyn qulaqsyz qaldyrǵan UFC sheberi nokaýtpen jeńiske jetti
NUR-SULTAN. QazAqparat – Las-Vegasta UFC-diń aralas jekpe-jekter boıynsha jarys ótti. Jartylaı orta salmaq dárejesinde amerıkandyq Maks Grıffın men Ramıh Brahımaı kezdesti, dep habarlaıdy QazAqparat sports.kz saıtyna silteme jasap.
Bul aıqas úshinshi raýndqa deıin sozyldy. Sol kezde Grıffın oń qolymen qarsylasyna qatty soqqy tıgizip, ony qulaqsyz qaldyra jazdaǵan – soqqydan qulaq ekige bólinip ketti.
Jaǵdaıdyń aýyr ekenin baıqaǵan tóreshi Grıffınniń tehnıkalyq nokaýtpen jeńiske jetkenin jarııalady.
Bul – Brahımaıdyń UFC-degi birinshi jekpe-jegi. Sportshy MMA-da barlyǵy segiz ret jeńiske jetip, úsh ret jeńilgen. Grıffınniń jetistikteri — 6-8 MMA, 4-6 UFC.
