Qarsy baǵytta kólik júrgizip maqtanǵan Nazar Rollan qamaýǵa alyndy
ALMATY. QazAqparat - Jol erejesin óreskel buzyp, áleýmettik jelini shýlatqan almatylyq Nazar Rollan 7 táýlikke qamaldy, dep habarlaıdy QazAqparat tilshisi qalalyq ІІD baspasóz qyzmetiniń basshysy Saltanat Ázirbekke silteme jasap.
«Bostandyq aýdandyq ІІB polıtsııa qyzmetkerleri jol erejesin óreskel buzyp, aınalasyndaǵy adamdardyń ómirine qaýip tóndirgeni úshin 1998 jyly týǵan N. Rollanǵa qatysty ákimshilik shara qabyldady. Ol buǵan deıin Ál-Farabı jáne Mustafın kósheleriniń boıynsha jol júrý tártibin buzyp, jaýapkershilikke tartylǵan bolatyn. Ol Ákimshilik kodekstiń bes baby boıynsha tártiptik jazaǵa tartylsa da, odan qorytyndy shyǵarǵan joq. Búgin Almaty qalasynyń mamandandyrylǵan aýdanaralyq ákimshilik sotynyń sheshimimen buzaqylyq isi boıynsha N. Rollan 7 táýlikke qamaýǵa alyndy», - dedi Saltanat Ázirbek.
Eske sala ketsek, qarsy baǵytqa shyǵyp kólik aıdaǵan júrgizýshiniń vıdeosy áleýmettik jelilerde kópshiliktiń ashý-yzasyn týdyrǵany belgili.
Keıin dańǵoı júrgizýshini qalalyq polıtsııa ustap, shara qoldanǵan.
Almaty qalasynyń Ál-Farabı kóshesinde jol erejesin óreskel buzǵan 20 jastaǵy jigit óziniń istegen isine ókinetindigin aıtyp vıdeo jarııalaǵan edi.
