Qarsy baǵytta kólik júrgizgen almatylyq kópshilikten keshirim surady
ALMATY. QazAqparat - Almaty qalasynyń Ál-Farabı kóshesinde jol erejesin óreskel buzǵan 20 jastaǵy jigit óziniń istegen isine ókinetindigin aıtty, dep habarlaıdy QazAqparat.
Dańǵoı júrgizýshi kóligimen joldyń qarsy baǵytyna shyǵyp, kólik aıdaǵan. Keıin qalalyq polıtsııa jol tártibin buzǵan júrgizýshini ustap, oǵan qatysty ákimshilik jaza qoldanylatyndyǵyn habarlady.
Jol erejesin buzǵan jigit osy isine ókinetindigin aıtty. Dańǵoı júrgizýshiniń keshirim suraǵan sáti beınelengen vıdeony polıtsııa qyzmetkerleri túsirip, jelide taratqan.
«20 jastaǵy qatysty 5 hattama toltyryldy. Toltyrylǵan hattamalardyń barlyǵy sotqa jiberildi, ol kýáliginen aıyrylady», - dedi Almaty qalasy ІІD-niń resmı ókili Saltanat Ázirbek.
Aıta keteıik, buǵan deıin qarsy baǵytqa shyǵyp kólik aıdaǵan júrgizýshiniń vıdeosy áleýmettik jelilerde kópshiliktiń ashý-yzasyn týdyrǵany belgili.
