Qarshadaı qyz jabyq jertólede jalǵyz ózi qalyp qoıǵan – Óskemen

ÓSKEMEN. QazAqparat – Óskemen qalasynda 8 jastaǵy qyz jalǵyz ózi jabyq jertólede qalyp qoıǵan, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetinshe, 10 tamyzda Kúlenov kentindegi Halyqtar dostyǵy kóshesinde ornalasqan jertólede oınap júrgen kishkentaı qyz esikti jaýyp alyp, qamalyp qalǵan. Ata-analary qutqarýshylarǵa qońyraý shalyp, kómek surady.

«Departamenttiń mamandandyrylǵan jasaǵy oqıǵa ornyna jyldam kelip jetti. Olar arnaıy qural-saımandardyń kómegimen jertóledegi temir tordy bólshektep, sol arqyly ishke kirdi de esikti ashty. 8 jastaǵy qyzdyń densaýlyǵyna eshqandaı qaýip tónip turǵan joq», - dep habarlady vedomstvo ókilderi.

Osy rette, oblystyq TJD mamandary óńir jurtshylyǵyna balalardy qaraýsyz qaldyrmaý qajettigin eskertedi.