Qarsaqpaı mys qorytý zaýytynda qaıǵyly oqıǵa boldy

ALMATY.QazAqparat - Qarsaqpaı mys qorytý zaýytynda 21 naýryz kúni qaıǵyly jaǵdaı oryn aldy. Keshki saǵat 18:00- de «Qazortalyqqurylys» kompanııasynyń Jezqazǵandaǵy fılıaly qyzmetkeriniń ústine metall qurylǵy qulap ketip, japa shekken adam alǵan jaraqatynan esin jımaı kóz jumdy.

Bul týraly «Qazaqmys» tobynyń baspasóz qyzmetinen málim etti.

Qazirgi tańda oqıǵanyń mán-jaıyn anyqtaý úshin arnaıy komıssııa qurylyp, tergeý amaldary jalǵasýda.

«Bul oqıǵa jumysshynyń abaısyzdyǵynan, bolmasa jumys berýshiniń jibergen tehnıkalyq aqaýynan boldy ma, ol jaǵyn biz ázirge aıta almaımyz. Qazir oqıǵanyń sebepterin arnaıy komıssııa tekserip jatyr. Eger óndiristik aqaýdyń saldarynan oryn alsa, kompanııa eńbek shartynda kórsetilgen barlyq talaptardy oryndaýǵa ázir. ıAǵnı, onyń tabysy otbasy múshelerine bólinip, olarǵa bir rettik 10 aılyq jalaqysy tólenedi», - dedi kompanııanyń Qazaqstandaǵy korporatıvtik baılanys departamentiniń basshysy Maqsut Japabaev.