Qarmaqshyda Jıenbaı jyraýdyń 155 jyldyǵy toılandy
Atalmysh shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda júzege asyryldy.
Jıenbaı jyraý 1864 jyly Qyzylorda oblysy, Qarmaqshy aýdanynda dúnıege keldi. Syr súleıi dástúrli ónerdi jalǵastyra otyryp, ózi de óleńder jazyp otyrǵan. Mysaly, «Bastaý», »Tolǵaýlar» sekildi shyǵarmalary osy kúnge deıin halyq arasynda aıtylyp keledi.
Merekelik sharalar eki kúnge sozyldy. Alǵashqy kúni Almaty, Taraz jáne oblystyń barlyq aýdanynan arnaıy kelgen aqyndardyń qatysýymen respýblıkalyq aqyndar múshaırasy ótkizildi. Elimizdiń ár óńirinen kelgen arqaly aqyndar bas qosqan básekede birinshi oryndy Shıeli aýdanynan kelgen Bekjan Erjigit alsa, odan keıingi oryndardy qyzylordalyq Turar Bekmurzaev, Qarmaqshy aýdany Turmaǵambet aýylynyń turǵyny Gúljanat Qadyrbekova ıelendi.
Aýyldyń ortalyq alańynda «Jyr jampozy - Jıenbaı» atty oblystyq jyraýlar festıvali ótti. Onda dástúrli jyraýlyq ónerdiń belgili maıtalmandary Turmaǵambet aýylyn káýsar jyrlarymen shalqytty. Jyr festıvalin Qazaqstannyń eńbek sińirgen qaıratkeri, Qazaq ulttyq ýnıversıtetiniń professory, jyraýlyq ónerdiń kóshin bastaýshysy Almasbek Almatov júrgizdi. Óner festıvaline qatysqan barlyq jyrshy-jyraýlarǵa aýdan ákiminiń orynbasary Erkebulan Meńlibaev aýdan ákimniń alǵys hatyn tabystady. Atalmysh aýylda jumys jasaıtyn «Turmaǵambet» JShS demeýshiligimen jergilikti jerde jyraýlyq ónerdi dáriptep júrgen Jumabek Aqqulov, Bıdas Rústembekov, Almas Almatovqa shapan jabylyp, aýyldyń 60 jyldyq tósbelgimen marapattaldy.
Aýdan sahnasynyń maıtalmandary halyq ánderin oryndap, aýyldyń jas ónerpazdary da ónerlerin ortaǵa saldy. Jyr da, terme de, kúmbirlegen kúı de shertilip mereke shyraıyn ashty. Aýyldyq klýb úıinde «Súleıler ósip – óngen qarashańyraq» atty ǵylymı-tanymdyq konferentsııa ótip, «Júz jyraýdy terbetken altyn besik» atty kitaptyń tusaýy kesildi.
Sonymen birge ulttyq sport túrlerinen jarystar, voleıboldan týrnır, jáne merekelik gala-kontsert uıymdastyrylyp, at báıgesine jalǵasty.
Budan buryn Shıelide ónerdi ulyqtaǵan mádenı shara ótkenin habarlaǵan edik.
