Qarmaqshy aýdanynyń Qyzyltam aýylynda medıtsınalyq beket qatarǵa qosyldy
QYZYLORDA. 17 qańtar. QazAqparat /Jańagúl Serdaly/ - Qyzylorda oblysy Qarmaqshy aýdanyna qarasty Qyzyltam aýylynda medıtsınalyq beket ashyldy.
Oblysta júrip jatqan «Táýelsizdiktiń 20 jyldyǵyna - 20 áleýmettik nysan» aktsııasy aıasynda qatarǵa qosylǵan bul nysan úshin oblystyq bıýdjet 10 822 myń teńge qarjy qarastyrdy. Al nysan qurylysyn jergilikti «Erǵalıev» jeke kásipkerligi sapaly salyp shyqty.
Jańa medıtsınalyq beket zamanýı jabdyqtarmen jaraqtandyrylǵan. Onyń ashylý saltanatynda sóılegen sózinde aýdan ákimi Bıǵalı Qaıýpov byltyr bastalǵan ıgilikti isterdiń alda da jalǵasyn tabatynyn aıta kelip, osy aýylda endi keń de jaryq synyp bólmeleri, kompıýter jáne ınteraktıvti taqtalarmen jabdyqtalǵan ári jastar bos ýaqytynda sporttyq jattyǵýlarmen alańsyz aınalysatyn arnaıy zaly bar jańa mektep úıigniń salynǵaly turǵanyn málimdedi.
Jıynda eńbek ardageri Mútáli Qonysbaev, aýdandyq densaýlyq saqtaý salasy ardagerler uıymynyń tóraǵasy Isa Bısenov, aýyl turǵyndary Názıra Ábsattarova, Aısha Bólekbaeva osynshalyqty qamqorlyq úshin basshylarǵa alǵys bildirdi.
