Kárim Másimovtiń elordadaǵy záýlim saraıy kommýnaldyq menshikke óte me — ákimdik jaýaby
ASTANA. KAZINFORM — Astana ákimdigi Ulttyq qaýipsizdik komıtetiniń burynǵy tóraǵasy, sottalǵan Kárim Másimovtiń elordadaǵy záýlim saraıyn kommýnaldyq menshikke qabyldamaıdy.
— Astana qalasynyń Aktıvter jáne memlekettik satyp alý basqarmasynyń joǵaryda atalǵan ǵımaratty kommýnaldyq menshikke qabyldaý josparynda joq, — degen habar aldyq elorda ákimdiginiń baspasóz qyzmetinen.
Aıta ketsek, jyl basynda Kárim Másimovtiń Astanadaǵy záýlim saraıy 1,8 mlrd teńgege satylymǵa shyǵarylǵan edi.
Keıin Kárim Másimovtiń aýktsıonǵa shyǵarylǵan saraıyn eshkim satyp almaǵany belgili boldy.
Araǵa bir aı salyp Kárim Másimovtiń záýlim saraıy qaıta satylymǵa qoıyldy.
Al sáýirde Kárim Másimovtiń saraıy aýktsıonnan shyǵaryldy.
Eske salaıyq, 2023 jyly Memleket basshysy Kárim Másimovke raqymshylyq jasaýdan bas tartty.