Kárim Másimov túrmede ózge sottalǵandarmen birge otyr — ІІM

ASTANA. KAZINFORM — Іshki ister mınıstriniń orynbasary — Qylmystyq atqarý júıesi komıtetiniń tóraǵasy Abaı Qaıyrbekov Senat otyrysynan keıin BAQ ókilderine Ulttyq qaýipsizdik komıtetiniń burynǵy tóraǵasy Kárim Másimovtiń jazasyn qandaı kamerada ótep jatqanyn aıtty.

— Bul sottalǵan azamattyń densaýlyq jaǵdaıy týraly málimet qazir qylmystyq atqarý júıesiniń mekemesinde ustaý talaptaryna sáıkes keledi. Qandaı da bir mazalaıtyn faktorlar joq. Al sottalǵandardy medıtsınalyq turǵydan qamsyzdandyrý Densaýlyq saqtaý mınıstrliginiń quzyrynda. Biz ol fýnktsııany solarǵa bergenbiz, — dedi Іshki ister mınıstriniń orynbasary.

Ol qazir jalǵyz kisilik kamerada otyr ma, álde ózge sottalǵandarmen birge otyr ma, — dep surady BAQ ókili.

— Másimov jazasyn sot úkimine saı ótep jatyr. Zańnamada kózdelgen talaptardyń bárin saqtap otyr. Ol jazasyn ózge sottalǵandarmen birge ótep jatyr, — dedi Abaı Qaıyrbekov.

Buǵan deıin ІІM basshysy da Kárim Másimovtyń densaýlyǵy týraly qaýesetterge jaýap bergen bolatyn.