«Qarlyǵashtyń quıryǵy nege aıyr?» qazaqtyń tuńǵysh mýltfılmine - 45 jyl
ASTANA. 30 qazan. QazAqparat - Erteń, 31 qazan kúni Almatydaǵy «Tsezar» kınoteatrynda
«Qarlyǵashtyń quıryǵy nege aıyr?» tuńǵysh qazaqstandyq mýltıplıkatsııalyq fılmniń 45 jyldyǵyna arnalǵan kezdesý ótedi. Bul týraly Sh.Aımanov atyndaǵy «Qazaqfılm» kınostýdııasynyń baspasóz qyzmetinen málim etti.
«Qarlyǵashtyń quıryǵy nege aıyr?» kartınasynyń rejısseri qazaq anımatsııasynyń negizin salýshy - Ámen Qaıdarov. Mýltfılm 1967 jyly Qaıdarovtyń halyq ertegisi negizinde salǵan sýreti boıynsha Sh.Aımanov atyndaǵy «Qazaqfılm» kınostýdııasynda jasaldy.
Osy mýltıplıkatsıondyq fılm 1968 jyly Lenıngrad (qazirgi Sankt-Peterbor) qalasynda ótken Búkilodaqtyq kınofestıvalda, 1975 jyly Nıý-Iork qalasynda ótken Halyqaralyq mýltıplıkatsıondyq fılmder festıvalinde júldeler aldy. Týyndy 48 eldiń ekranynda kórsetildi.
Sondaı-aq, Qaıdarov "Quıyrshyq" (1969), "Janar" (1972), "Kún sáýlesinen paıda bolǵan kójek" (1975) atty mýltfılmderdi jasap shyǵardy. 1980 jyly Qaıdarovqa "Aqsaq qulan" (1968), "Qojanasyr - qurylysshy" (1970), "Qyryq ótirik" (1978) sııaqty mýltıplıkatsıondyq fılmder toptamasy úshin QazKSR Memlekettik syılyǵy berildi.
