Qarly borannyń saldarynan oblystyq jáne respýblıkalyq joldardaǵy qozǵalys jabyldy

Bul aqparatty elimizdiń Tótenshe jaǵdaılar mınıstrliginiń baspasóz qyzmeti taratyp otyr.

Vedomstvonyń habarlaýynsha, Shyǵys Qazaqstan oblysynda qańtardyń 17-si kúni saǵat 18:00-de aýa-raıynyń kúrt nasharlaýyna baılanysty oblystyq mańyzy bar «Óskemen-Samar» jolynyń 80-143 shaqyrymynda, «Kúrshim-Qaljyr-Aqbulaq-Qaroı-Arshaly» jolynyń 0-98 shaqyrymynda barlyq avtokólik túrleri úshin, sonymen qatar respýblıkalyq mańyzy bar «Omby-Maıqapshaǵaı» avtojolynyń Qalbataý, Kókpekti, Bazarka aýyldary men Zaısan qalasy ýchaskelerinde jolaýshylar jáne dızeldi avtokólikter úshin jol qozǵalysy jabylǵan.

Tótenshe jaǵdaılar mınıstrliginiń aqparaty boıynsha, qazirgi ýaqytta aýa-raıynyń nasharlaýyna baılanysty Almaty oblysynyń Alakól aýdanynan ShQO baǵytyndaǵy joldar da barlyq avtokólik túrleri úshin jabyq.

Sonymen qatar vedomstvonyń málimetterine qaraǵanda, kóktaıǵaqtyń saldarynan keshe keshkisin Jambyl oblysyndaǵy Kúıik jáne Shaqpaq asýlarynda úlken júk kólikteriniń qozǵalysyna shekteý qoıyldy.