Qarly boran: ShQO-da taǵy bir jol jabyldy
ÓSKEMEN. QazAqparat – Shyǵys Qazaqstan oblysynda boranǵa baılanysty tasjoldardyń biri jabyldy, dep habarlaıdy QazAqparat tilshisi.
«Qazaqavtojol» kompanııasy ShQO-daǵy fılıalynyń málimetine súıensek, óńirde aýa raıynyń nasharlaýyna baılanysty (boran, kóktaıǵaq) 3 aqpanda saǵat 21:50-den bastap respýblıkalyq mańyzy bar «Óskemen-Shemonaıha-Reseı Federatsııasy shekarasy» tasjolynyń 15-123 shaqyrymy kóliktiń barlyq túri úshin jabyldy.
Osy rette, oblystyq tótenshe jaǵdaılar departamenti turǵyndarǵa alys saparǵa shyqpaýǵa, joldardyń jaı-kúıin «Dármen» mobıldi qosymshasy arqyly tekserip otyrýǵa keńes beredi.
Esterińizge sala ketsek, osyǵan deıin ShQO-daǵy« Omby-Maıqapshaǵaı» tasjolynyń 733-587 shaqyrymy aralyǵy kóliktiń barlyq túri úshin jabylǵany habarlanǵan.
