Qarly boran: ShQO-da qutqarýshylar júrgizýshilerge kómek kórsetýde
ÓSKEMEN. QazAqparat – Shyǵys Qazaqstan oblysynyń qutqarýshylary qar qursaýynda qalǵan kólik júrgizýshilerine kómekke kelýde, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, kesheden beri óńirde aýa raıy nasharlap, qalyń qar jaýyp, daýyl soqty. Osynyń saldarynan alys jolǵa shyqqan kólik júrgizýshileri biraz qıyndyqqa tap bolǵan.
«Semeı-Kýrchatov» tasjolynyń 19-shy shaqyrymynda VAZ jolaýshylar kóligimen sharýa qojalyǵyna qaraı bara jatqan tórt adam qar qursaýynda qaldy. Qutqarýshylar birden arnaıy tehnıkamen olarǵa kómekke attanǵan.
«Úsh adam jaqyn mańdaǵy eldi mekenge evakýatsııalandy. Al medıtsınalyq kómekke muqtaj bolǵan bir azamat jedel járdem qyzmetkerlerine tapsyryldy», - dep habarlady vedomstvo ókilderi.
Osy rette, departament mamandary turǵyndarǵa alys saparǵa shyqpaýǵa, joldardyń jaı-kúıin «Dármen» mobıldi qosymshasy arqyly tekserip otyrýǵa keńes beredi.
