Karlos Alkaras Ýımbldonda Novak Djokovıchti jeńip, chempıon atandy

ASTANA. QazAqparat – Álemniń 1-raketkasy, 20 jastaǵy ıspanııalyq Karlos Alkaras Ýımbldon týrnıriniń chempıony atandy, dep habarlaıdy QazAqparat tilshisi.

Ispanııalyq tennısshi fınalda álemniń 2-raketkasy, «Úlken dýlyǵa» jarystarynyń 23 dúrkin jeńimpazy, 36 jastaǵy serbııalyq Novak Djokovıchpen kezdesti.

Óte tartysty ótken match bes setke sozylyp, K.Alkaras 1:6, 7:6 (8:6), 6:1, 3:6, 6:4 esebimen jeńiske jetti.

Bes saǵatqa jýyq ýaqytqa sozylǵan báseke barysynda Karlos 9 eıs jasap, 19 breık-poınttyń beseýin paıdalandy. N.Djokovıch 2 eıs, 5 breıkpen (15 breık-poınt) kózge tústi.

Bul – Karlos Alkarastyń «Úlken dýlyǵa» dodalaryndaǵy ekinshi tıtýly. Ol 2022 jyly AQSh ashyq chempıonatynda úzdik shyqqan edi.

Eske sala keteıik, budan buryn chehııalyq tennısshiniń Ýımbldon týrnıriniń chempıony atanǵanyn jazǵan bolatynbyz.

Sondaı-aq Andreı Golýbev Aýstrııadaǵy jarystyń jeńimpazy atandy.

Jibek Qulambaeva Rım týrnıriniń jeńimpazy atandy.

Foto - Chempıonat.kom